யாரடி-நீ?

யாரடி-நீ?

மடிசாரும் சுடிதாரும்

மயக்காத என் மனதை;

ஜீன்ஸும் டி-சர்ட்டும்

திருடாத என் இதயத்தை;

பாவாடைத் தாவணியிள்

பறித்தவளே யாரடி-நீ?

முகம் காட்டியே என்னிடம் விளையாடுகிறாய்

கண்ணாம்பூச்சி – முகவரி காட்டாமல்

யாரடி-நீ?

கண்களால் காதல் தீ வளர்த்தோம்

கனவினில் காதல் யாகம் புரிந்தோம்

விரல்களால் தீண்டும் இன்பம் பெற்றோம்

விரைவினில் இளமை விரதம் முடிப்போம் யாரடி-நீ?

கதிரவனைக் காணாத பனித்துளியோ நீ?

கால் பாதம்படாத புல்வெளியோ நீ?

யாரடி-நீ?

விரல்களால் என் நெஞ்சைக் கிழித்தாய்

விழிகளால் காதல் நஞ்சைக் கொடுத்தாய்

இதழ்களால் என் மூச்சை நிறுத்தி

இறுதியில் காதல் போர் தொடுத்தாய் யாரடி-நீ?

வண்டிற்கும் கிடைக்காத தேன்சுனையோ நீ?

பல்லவன் செதுக்க மறந்த பனிச்சிற்பமோ நீ?

பால்வெளி மண்டலத்தில் பிறந்தவளோ நீ யாரடி-நீ?

காதலால் என்னை பேதலிக்கச் செய்யும் நீ யாரடி?